Hvað er heilun?

Heilun er orka sem við getum nýtt okkur í eigin þágu og annarra til betra lífs andlega og líkamlega. Til þess að tengjast þessari orku og miðla henni eru margar leiðir. Við getum notað þær allar en veljum þá leið sem hentar okkur best miðað við aðstæður í hvert sinn. Þessar leiðir eru byggðar á margra alda reynslu mannsins og þeirri þekkingu sem við eigum um líkamskerfið okkar.

Jarðlíkaminn, Orkublikið og Orkustöðvar er það sem unnið er með í heilun.

Heilarar hafa það alltaf hugfast að þeir eru aðeins verkfæri til að leiða heilunarorkuna, það er alltaf unnið í auðmýkt og þakklæti.

Það eru þrjár leiðir til að tengjast og leiða heilunarorku.

1.Uppspretta Alheims

2.Uppspretta Jarðar

3.Uppspretta Hjartans

Heilun virkar á öll svið manneskjunnar og einangrar aldrei líkamann frá hinum sviðunum, það er því tilfinningalega, hugræna og andlega. Í því er fólgin fegurð heilunarinnar og styrkur.  Orðið heilun merkir að gera eitthvað heilt.  Þegar talað eru um heilun er oft átt við orkugjöf eða andlega lækningu , sem getur haft jákvæð áhrif bæði á líkama og sál.  Heilun getur verið í mörgum myndum, eins og til dæmis gott faðmlag, bros, fyrirbænir eða fallegar hugsanir til einhvers, svo lengi sem kærleikur er að baki.  Því er hægt að segja að allir hafa einhvern tíma gefið og þegið heilun.

Oft er talað um sálræna heilun (spiritual healing), því heilunarorkan er miðill fyrir andlega eða guðlega orku sem ferðast í gegnum heilarann til þiggjandans.  Þessi heilunarorka byggir upp orkuforða þiggjandans til þess að hann geti betur tekist á við veikindi eða meiðsli.  Heilarinn er þá eins konar verkfæri/millistykki  fyrir æðri máttarvöld.  Í austurlöndum er þessi orka kölluð Prana, sem er orð á sanskrít yfir andardrátt og merkir lífsorkan eða lífskrafturinn , líka talað um Ki  eða Chi orku.  Þessi lífskraftur hefur hlutverki að gegna í bæði líkamlegri og andlegri heilsu.  Chi orkan og áhrif hennar er líka kennd í nuddi, við erum alltaf að nota þessa frábæru orku. Þessi náttúrulega orku má finna í öllu lífi og út um allt.  Það má hlaða eða afhlaða sig með því að fara út í náttúruna, hlusta á tónlist (lifandi, klassísk tónlist hefur til dæmis háatíðni sem er góð fyrir sál og líkama) Tónlist  Backs hefur oft verið nefnd sem góð til heilunar.  Steinar, kristallar og olíur hafa líka tíðni sem gott er að nota til heilunar.  Gott er að dansa og hreyfa sig til að ná góðri jarðtengingu, jafnvel að fara í sturtu eða sund og nota vatnið sem regnboga sem er verið að synda í eða renna niður líkamann til heilunar.  Líkaminn okkar er mjög fullkomið tæki og er í flestum tilfellum mjög fær um að lækna sig sjálfur, en gott að fá smá aðstoð þegar með þarf til dæmis frá heilara.

 

Hvers vegna að fara í heilun.?

Stundum oflöðum við okkur og verðum yfirspennt, eða lendum í áföllum og þá þurfum við að tappa af þessari orku.  Í öðrum tilfellum getum við orðið orkulítil og verðum þreytt eða slöpp og þá verðum við að hlaða okkur til þess að geta tekist á við daginn líka hægt að segja að við þurfum að hlaða batteríin. Líkaminn er líka fær um að láta okkur vita hvers við þörfnumst (verður að hlusta) til þess að vera heil. Það eru auðvita takmörk fyrir því hversu mikið er hægt að leggja á hann eins og við vitum.  Í samfélaginu í dag er til dæmis mikill hraði og miklar kröfur gerðar og því auðvelt fyrir líkamann að ofhlaða sig eða tapa orku og oft getur verið of mikið í gangi til þess að við getum eða gefum okkur tíma til að hlusta á líkamann.  Við hunsum verki og vanlíðan og keyrum okkur áfram. Það má líka nefna að við borðum kannski mat sem líkaminn á erfitt með að melta og hreinsa.  Drekkum of lítið af hreinu vatni sem er gott fyrir líkamann að fá til að hjálpa til við hreinsun.  Einnig vilja sumir, sem á það trúa, jafnvel meina að fyrri líf geti haft einhver áhrif á líf okkar í dag.

Oft er talað um að veikindi komi fram í orkusviðinu áður en þau ná að festa síg í líkamanum.

Á meðan þau eru bara í orkusviðinu eigum við auðveldara með að takast á við þau og losa okkur við þau, þó okkur takist það ekki alltaf. Stress, álag og ýmislegt fleira getur líka orðið þess valdandi að okkur reynist stundum erfitt að kljást við það sem hrjáir okkur og getum þurft á aðstoð að halda.
Nokkrar tegundir heilunar:

( Ath. Það eru til hátt á annahundrað aðferðir til heilunar).

Prönu heilun

Lífsorkan hefur sinn eigin takt, sem býr í mænuvökvanum. Þaðan flæðir hún um hryggsúluna upp til heilans. Hver einasta fruma líkamanns hvar sem hún er staðsett inniheldur þessa lífsorku.

Í Prönu heilun stendur heilarinn hjá viðkomandi og notar hendurnar til að senda prana (ki, chi, lífsorka, alheimsorka, ljós, kærleika o.s.frv.).

Hún er að hluta til meðvituð heilunarmeðferð, þar sem heilarinn notar hugsun með aðstoð leiðbeinenda sinna. Lífsorkan er eins og bylgja sem hreyfist taktfast fram og til baka.
Reiki

Margir haf heyrt talað um Reiki og lært þá heilunaraðferð, en hún telst til svokallaðrar prana heilunar þó alltaf sé notuð þessi lífsorka eða prana í heilun.  Þeir sem læra Reiki þurfa ákveðin námskeið og vígslur til þess að ná þessa beinu tengingu og læra táknin sem þeirri aðferð fylgja.

 

Hugræn heilun

Í hugrænni heilun sendir heilarinn hugboð til líkama viðkomandi. Það getur verið til alls líkamans, eða til afmarkaðs svæðis eða líffæris. Þetta getur heilarinn gert í návist heilunarþega eða í fjarheilun. Undirmeðvitund heilunarþegans segir til hvað þarf að heila. Oft eru margir heilarar að vinna saman með hugræna heilun eða stundum kallað Fjarheilun.

Óeigingjarn kærleikur, en ekki ástríðufull bæn sem felur í sér kröfur um úrlaus, er lykill að fjarheilun eins og allri heilun.

Andleg heilun

Í andlegri heilun lætur heilarinn alheimsorkuna flæða í gegnum sig til heilunarþegans. Það er krafist meira af heilaranum í andlegri heilun en í hinum fyrrnefndu. Hann þarf að vera andlega þroskaður og “næmur” eða jafnvel skyggn.  Það er oft í þessum tilfellum sem heilarinn sér svæði á líkamanum lýsast upp, eins skynjað að englar eða ljósverur  hafa komið til aðstoðar. Heilunarþegi þarf að vera jákvæður og opinn gagnvart því sem gert er, til að geta tekið á móti heiluninni.

Prönu heilun og hugræna heilun geta allir lært, rétt eins og allir geta lært að spila á hljóðfæri. En það fer eftir áhuga og hæfileika manna, hvernig árangurinn verður.

 

Kristalla heilun

Hér eru notaðir steinar og kristallar til heilunar .Hver tegund af steinum og kristölum hefur sinn sérstaka mátt til heilunar. Sá sem notar þessa tegund heilunar þarf að hafa víðtæka þekkingu á tegund steina og liti þeirra og  áhrifamætti.

 

Ilmkjarnaolíur eða Aromatherapy

Ilmmeðferðir eru þekktar frá Forn-Egyptum, Forn Grikkjum, úr biblíunni og það er vitað að Hippokrates faðir nútíma læknisfræðinnar mælti með nuddi með ilmolíum og daglegu ilmbaði.

Það er vitað að þekking til að búa til ilmkjarnaolíur og nota þær til heilunar er alda gömul og er í frásögum í elstu sögum mannkyns. Ilmkjaraolíur eru búnar til úr blómum og jurtum.

María Magdalena smurði Jesú með ilmolíum. Í fornöld voru aromatískar jurtir með dýrustu verslunarvörum.

Kleopatra hin glæsilega, drottning Egypta er sögð hafa átt garð meira virði en nokkuð annað, sem rækturð voru öll möguleg blóm. Hún hélt við fegurð sinn með hjálp arómatískra jurta.

Á miðöldum þróuðu gullgerðamenn eða Alkemistar eimingatæknina. Þeir héldu að þeir hefðu fundið 5. frumefnið og nefndu olíurnar, Quintessence sem er notað en í dag eða Essential oils. Á miðöldum var fólk farið að skilja að það var samhengi á milli heilsufars og ilmríkra efna.

Helstu ilmkjarnaolíur Evrópu og Austulanda eru uppgvötaðar í upphafi 17. aldar.

 

 

Blómadropar

Það má segja að blómadropar tilheyri nýrri grein lækninga sem öðlast krafta sína frá lífskröftum  blóma og jurta.

Blómadropar eru vökvi sem bera með sér krafta og eiginleika hvers blóms eða plöntu. Þeir innihalda því lítið magn af efni og eru þess vegna ekki flokkaðir sem lífefnafræðilegt lyf.

Blómadropar vinn ekki með því að ráðast beint á sjúkdóminn, heldur auka þeir orkuflæðið í líkama okkar og sál. Þannig hjálpa þeir okkur að ná aftur þeim tengslum sem tapast hefur, vegna viðbragða okkar við erfiðleikum lífsins.

Heilsan batnar þegar tilfinningalegt jafnvægi verður jákvæðara. Líkt og matur nærir líkama okkar næra blómadropar sál okkar og bæta bæði tilfinningalegt og sálfræðilegt jafnvægi og vellíðan.

Blómadropar raska ekki öðrum hefbundnum lækningum og koma ekki í staðinn fyrir þær. Þeir eru fullkomlega öryggir hver sem þarfnast hjálpar frá 0 -99 ára geta notað blómadropa.

Dr. Edward Bach sem á allan heiður af því að uppgvöta eiginleika blómanna á þennan hátt sagði: “Það er sama hvaða sjúkdómur á í hlut, hversu alvarlegur hann er og hversu lengi hann hefur varð. Ef hægt er að vekja lífslöngun sjúklingsins batnar honum.”

 

Tónaheilun

Hér er eingöngu notaðar tónkvíslar.  Tíðni tónana hefur áhrif, áhrifin eru eins og þegar það er steini fleygt á vatni og hann skoppar á vatninu.  Það virkar eins á líkamann þar sem líkaminn er svo há prósenta af vatni, og þá losnar um stíflur.

Litaheilun

Sérhver sjúkdómur tengist skorti á ákveðnum lit eða litum í árunni og um leið í umhverfinu.

Litaöndun er mögnuð sjálfheilunarmeðferð, gott að nota ef við finnum að við erum að veikjast af flensu t.d.

 

Hugleiðsla

Að stunda hugleiðslu reglulega er mjög heilandi og styrkjandi. Allir ættu að tileinka sér það. Það er hægt að stunda hugleiðslu einn eða í hóp, hvorutveggja mjög gott.

Getur heilun komið í staðinn fyrir hefðbundna læknismeðferð?

Margir vilja meina að hefðbundnar læknismeðferðir taki aðeins á einkennum veikinda í efnislíkamanum en ekki á orsök veikindanna. Þegar orsakirnar liggja í umhverfi manns, lífsmunstri eða sálarlífi getur heilun getur hjálpað manni að átta sig á því hverjar þær eru og þá hvernig hægt sé að takast á við þær. Heilun getur verið góð meðferð bæði samhliða læknismeðferð og þegar hennar er ekki þörf, en ætti að sjálfsögðu aldrei að koma í staðinn fyrir hefðbundnar lækningar. Heilun vinnur frá orkusviðinu og getur haft áhrif á líkamann þannig, en það getur oft verið mikið erfiðara að losna við veikindi á þann máta eingöngu þegar þau hafa náð að festa sig í honum.  Heilun  getur þó flýtt fyrir líkamlegum bata sé hún notuð samhliða hefðbundnum lækningum og hún getur stundum minnkað og komið í veg fyrir óþægindi sem fylgja aukaverkunum af lyfja- og geislameðferðum.
Heilari getur hvorki né má taka ábyrgð á eða lofað fullum bata skjólstæðings síns. Hann getur aðeins miðlað þeirri lífsorku sem skjólstæðingurinn getur tekið á móti og aðstoðað hann við að beita henni. Heilari getur aldrei unnið meira á orkusviðinu en skjólstæðingurinn gefur leyfi til og ræður við, hvort sem það er  meðvitað, undirmeðvitundin sem segir til um það eða hinn æðri vilji. Stundum er heiluninni aðeins ætlað að bæta líðan þiggjandans en ekki lækna hann, hverjar svo sem ástæðurnar geta verið fyrir því, og stundum geta aðstæður í lífi hans hamlað heiluninni eða lækningunni og getur þá jafnvel þurft að breyta lífsvenjum og mataræði til þess að tilætlaður árangur náist. Stundum getur heilarinn skynjað hvað veldur og beint skjólstæðingnum á réttar brautir en í öðrum tilfellum verður hann að átta sig á því sjálfur. Þegar uppi er staðið er það þó aldrei heilarinn sjálfur sem læknar einn né neinn eða gerir einhver kraftaverk. Hann aðstoðar aðra við að lækna sig sjálfa.

Hvað gerir heilun?

Heilun hjálpar okkur að styrkja sambandið milli sálar og líkama og koma jafnvægi þar á milli. Hún vinnur bæði með verki og líkamlega kvilla sem og tilfinningar, eins og streitu, áföll, ótta, sorg, þunglyndi, kvíða, reiði o.s.frv., sem geta stundum hindrað okkur að takast á við ýmsar aðstæður í lífinu. Heilun getur hjálpað að skilja þessar aðstæður.  Hún getur einnig styrkt ónæmiskerfið og hjálpað þannig líkamanum að takast á við hvers konar veikindi.
Hvernig fer heilun fram?

Heilun byrjar oft /ekki alltaf á því að þiggjandinn ræðir við heilarann um hvað hann vill vinna með í heiluninni. Algengt er að herbergið sé uppljómað kertaljósum, róandi tónlist spiluð og jafnvel ilmolíur, ilmkerti , blómadropar eða reykelsi eru notuð til að ná réttri stemningu. Sjálfsagt er  að taka það fram ef manni finnst eitthvað af þessu óþægilegt eða truflandi, þó það sé sjaldan tilfellið. Yfirleitt leggst þiggjandinn á nuddbekk, fullklæddur og jafnvel með teppi yfir sér. Gott er að loka augunum og leyfa líkamanum og huganum að slaka á og hugsa um að maður sé tilbúinn til að taka á móti heiluninni. Sá sem fær heilun á ekki að fækka fötum.
Heilarinn tengir sig við alheimskraftinn, ljósið, lífsorkuna eða hvað fólk kýs að kalla það. Þessari orku er beint niður í heilarann og streymir hún í gegnum hann til skjólstæðingsins. Heilarinn aðstoðar við að beina orkunni þangað sem hennar er  mest þörf með því að halda höndunum yfir eða á líkama þiggjandans. Þeir staðir í líkamanum sem þarfnast mest hjálpar og heilarinn er best fallinn til þess að geta aðstoðað með lýsast upp. Getur þá bæði verið um líkamleg eða tilfinningaleg mein að ræða. Á þennan hátt segir líkaminn heilaranum á hverju hann þarf að halda. Heilarinn getur skynjað skilaboðin á mismunandi hátt, eins og t.d. að honum sé sagt frá því eða fái skyndilega vitneskju, jafnvel getur hann séð einhver tákn. Oft sér hann orkuna í litum og stundum er um eins konar röntgenskyggni að ræða og heilaranum finnst hann geta séð líffæri, vefi og þannig lagað. Einnig geta englar og ljósverur í einhverjum tilfellum komið til aðstoðar.  Heilarinn fær líka oft skilaboð um að nota steina eða kristalla, olíur og jafnvel tónkvíslar.
Yfirleitt fylgir heilun djúp slökun, bæði andleg og líkamleg, sem er mjög nauðsynleg og notaleg öllum, stundum dettur heilunarþegin alveg út og sofnar og er það í lagi. Þá fær líkaminn færi á að vinna með heilunarorkuna. Fólk getur upplifað heilunina á mismunandi hátt og sumir finna jafnvel ekki fyrir neinu. Aðrir geta kannski fundið fyrir hita, kulda eða eins konar rafmagnstilfinningu, jafnvel séð liti eða myndir í huganum. Einstaka finna fyrir fleiri höndum en heilarans eða þá að hendur heilarans séu stærri eða minni en þeim finnst að þær eigi að vera (þá getur verið um aðstoð að ræða). Í einhverjum tilvikum geta ýmsar tilfinningar komið upp á yfirborðið og þá er mikilvægt að leyfa þeim að koma og fá útrás, því þetta er  aðferð sem  líkaminn og sálin nota til þess að hreinsa sig. Stundum getur verkur, sem verið er að vinna með, versnað í smá stund og þá ætti ekki að hætta fyrr en hann hverfur, því annars gæti hann mögulega orðið viðvarandi í einhvern tíma,það getur líka komið upp að heilunarþeginn grætur og það er bara góð losun. Það verður að leyfa líkamanum að klára úrvinnsluna, slaka á og streitast ekki á móti þó það geti verið óþægilegt í smá stund. Heilunartíminn er  yfirleitt á bilinu 45-60 mínútur. Eftir að honum er lokið er mikilvægt að drekka nóg af vatni til að aðstoða líkamann við að skila út úrgangs- og eiturefnum sem heilunin hjálpar þiggjandanum að losa sig við.
Ættu allir að fara í heilun?

Hvort sem maður á við heilsufarsleg vandamál að stríða eða ekki getur alltaf verið gott að fara í heilun, því hún getur haft bæði fyrirbyggjandi áhrif og hjálpað manni að slaka á í dagsins önn. Einnig getur heilun farið fram ýmis tilfinningavinna og dregið upp á yfirborðið tilfinningar sem maður hefur ekki unnið almennilega úr og hjálpað manni með þá vinnslu. Stundum geta þær komið á óvart, því við getum verið svo fljót að bæla þær niður. Það getur því allt eins verið að það komi upp tilfinningar gagnvart einhverjum áður gleymdum atburði úr barnæsku sem manni finnst engu máli skipta í dag en hafði djúpstæð áhrif á mann í þeim litla heimi sem maður lifði sem barn eða unglingur. Tilfinningaleg áföll geta stundum orðið að spennu í líkamanum og gott er að losa og losna við þá orku.  Líkamleg áföll geta líka haft tilfinningaleg áhrif og þau geta verið viðvarandi löngu eftir að búið er að takast á við líkamlega vandann. Í sumum tilfellum getur tilfinningalegt áfallið sem fylgdi því líkamlega hamlað líkamlegum bata og geta þau einkenni því orðið viðvarandi þar til búið er að losa um tilfinningarnar. Þess vegna getur það verið öllum gott að leita til heilara af og til.
Hippokrates sagði að líkaminn læknaði sig sjálfur, sá sem veitir meðferð er aðeins verkfæri náttúrunnar til þess.